Encargámonos de baleirar de contido moitas cuestións que nos rodean. Detrás do que vemos como o máis cotiá non deixa de haber, en moitas ocasións, un trasfondo enormemente rico. Este libro tenta mostrar máis alá do que normalmente nos imaxinamos cando se fala da loita polos dereitos civís dos afroamericanos. Hai outros moitos aspectos que non se nos deben esquecer. Esta loita non só a debemos vincular con protestas, marchas e concentracións. O legado cultural afroamericano foi unha peza fundamental na resistencia dun pobo asoballado.